Нүүр хуудас Дэлхий 4 ихэр хүүхэд төрүүлсний дараа өөрийнхөө бие махбодод гарсан өөрчлөлтийг хуваалцсанд нэлээдгүй...

4 ихэр хүүхэд төрүүлсний дараа өөрийнхөө бие махбодод гарсан өөрчлөлтийг хуваалцсанд нэлээдгүй муулж доромжилжээ

Малайзын иргэн, 23 настай Дорийн Чинг (Doreen Ching) дөрвөн ихэр хүүхэд төрүүлснийхээ дараа бие мах бодь нь хэрхэн өөрчлөгдсөн талаарх зургаа бусадтай хуваалцахаар шийджээ.

Дорийн уг нь энэ зоримог үйлдлээрээ өөртэй нь адилхан хүнд байдалд орсон эмэгтэйчүүдэд урам зориг өгнө гэж найдаж байсан аж.

Харамсалтай нь хүмүүс түүнийг дэмжихийн оронд харин ч үзээрийн муухай хэмээн доромжилж эхэлжээ.

“Би 21 насандаа хүүхдүүдээ төрүүлсэн. Бүхий л амьдралынхаа турш өөрийнхөө гэдсийг ийм байдалтай байна гэдэгтэй удаан хугацааны дараа би эвлэрсэн.

Хүүхэд тээж төрүүлсний улмаас миний арьс, зарим зөөлөн эд ихээхэн гэмтсэн болохоор цаашид ч энэ хэвээрээ үлдэх байх” гэж Дорийн бичжээ.

Дорийнийг энэ зургаа постолсных нь дараа олон хүн түүнийг vзэшгvй муухайгаар дуудаж, зарим хүн “Олон хүүхэд төрүүлсэн өөрийн чинь хохь” гэж хүртэл бичжээ.

“Тийм хүмүүс өөрсдийн ээж, эгч, эхнэрүүдтэйгээ ингэж харьцдаг бол их өрөвдмөөр юм байна даа. Би тэр хүмүүсийн ээжүүд, эхнэрүүдийг нь өрөвдөж байна” гэж тэрээр доромжилсон сэтгэгдлүүдэд хариулт өгчээ.

Эх хүн ээж хүн гэдэг юунаас ч илүү үзэсгэлэнтэй байдаг юм шүү!!! Бүгд л эхээс төрсөн бидэнд тэднийг муулах эрх нэгээхэн ч үгүй билээ.

trendy.mn™