Нүүр хуудас Дэлхий 12 настай охин дүүгээ эх барьж авчээ

12 настай охин дүүгээ эх барьж авчээ

Өөрөө том болж амжаагүй 12-хон настай бяцхан охин ээжийгээ төрөхөд нь дүүгээ эх барьж, бүр хүйг нь хүртэл тасалсан тухай мэдээлэл “Daily mail” сонины цахим хуудаст нийтлэгджээ.

Деде Карравэй гэх бүсгүй АНУ-ын Миссиссиппи мужийн Жаксон дахь Баптист эмнэлэгт бага хүүхдээ төрүүлэхээр хүргэгдэн ирсэн байна. Тухайн үед түүнийг 12 настай Жэйси Деллапена охин нь дагаж ирсэн бөгөөд дүүгээ эх барьж авахыг хүсчээ.

Эх барих эмэгтэйчүүдийн эмч Валтер Волфе ээжээс нь охиныхоо хүсэлтийг зөвшөөрөх эсэхийг нь асууж, ээж нь ч зөвшөөрснөөр охин дүүгээ өөрийнхөө гараар төрүүлсэн гэнэ.

Хоёр жилийн өмнө охин Зэйдн гэх дүүгээ төрөхөд нь ч төрөхийн өрөө рүү орохыг хүсч байжээ. Гэсэн ч эцэг эх нь хэт жаахан гэсэн шалтгаанаар оруулаагүй аж.