Нүүр хуудас Дэлхий Баян бизнесмэн өөрийг нь гуйлгачин байхад тусалсан бүсгүйд 21 жилийн дараа гайхалтай...

Баян бизнесмэн өөрийг нь гуйлгачин байхад тусалсан бүсгүйд 21 жилийн дараа гайхалтай бэлэг өгжээ

Энэ түүх 1993 онд 17 настай хүү Хи Ронфенг ядуу гэр бүлээ тэжээхийн тулд Жежиан мужийн Тайжоу хотын гудамжинд гуйлга гуйснаар эхэлсэн юм.

“Би хоёр найзтайгаа хамт ажил хайсан ч амжилт олоогүй учир гудамжаар сохор зоосгүй хэрэн тэнүүчилж, бүр өмсөх гутал ч гүй өлсөж, цангадаг байлаа. Ингээд гуйлга гуйдаг болсон. Хамаг аргаа барсан хэцүү үед минь нэгэн эмэгтэй гараа сунгасан” хэмээн Ронфенг эргэн дурсав.

Дай Шингфен хэмээх тэр эмэгтэй нөхөртэйгөө хамтран гоймонгийн дэлгүүр ажиллуулдаг байжээ. Тухайн үед Шингфен хүүхдүүдийг нэг өрөө гэртээ аваачиж, хооллож ундлан, цэврүүтсэн хөл гарыг нь угааж өгсөн гэдэг. Мөн өөр хотод очиж ажиллах боломжийг нээж өгөн, галт тэрэгний тасалбарын мөнгө өгөөд буцаасан байна. Тэр үед Шингфен “Их мөнгөгүй байсан ч гэсэн бүх юм болно. Гагцхүү сайн хүн болох ёстой” гэж хүүхдүүдэд захисан байна. Түүнээс хойш Хи Ронфенг тасралтгүй хөдөлмөрлөсөөр “Jiu Jiu Li Feng” группын эзэн болжээ.

Тэрээр 21 жилийн өмнө өөрт нь сайхан сэтгэлээр тусалсан “үл таних” эмэгтэйтэйг олж уулзсан байна. Дахин уулзсаны дараа Ронгфен түүний энэ гайхалтай тусын хариуд байшингаа засахад нь зориулж 50,000 юань (80,000 доллар) өгөхийг хүсэв. Гайхсан бүсгүй үүнийг түүнд хангалттай сайн туслаж чадаагүй болохоор мөнгө авгүй гэдгээ илэрхийлжээ.

Тэгээд Ронгфэнг бүсгүйд зориулж “Уул шиг хүнд талархаж байна” хэмээх үгийг томоор бичиж түүнд бэлэглэсэн гэдэг.